Ang
Provincial Sports and Games Development Office, sa ilalim ng Tanggapan
ng Punong-Lalawigan, ay muling magkakaroon ng mga sports clinics
ngayong darating na bakasyon simula Abril hanggang Mayo. Ang mga
sports clinics na bubuksan ay basic na kurso sa taekwando, karatedo,
badminton, swimming (sa Sta. Cruz), muay (sa Calamba) at basketball
(sa buong lalawigan ng Laguna) at gaganapin ang mga ito sa iba’t
ibang barangay sa apat na distrito ng ating lalawigan. Noong nakaraang
taon, may halos 3,000 kabataan ang nakinabang sa libreng programang
ito. Ngayong taon, inaasahang dadami pa ang sasaling kabataan.
Para
maging kapakipakinabang sa nakararaming residente ng Laguna, ang
nasabing sports clinics ay ipagkakaloob ng libre sa mga batang
nasa edad 7-12 taong gulang. Handog ito ng ating gobernador, Kgg.
Teresita “Ningning” S. Lazaro, para sa ating mga kabataan
para mabigyan sila ng libreng pagkakataong matuto ng isang isport
ngayong panahon ng bakasyon. Ang mga instructor ay pawang kwalipikado
at naka-affiliate sa mga national sports associations ng Pilipinas.
Sa
mga nais isali ang kanilang mga anak, tumawag lamang sa Tanggapan
ng Isports sa Tel. Nos. 8085806 o magtext sa 0922-425-4224 (para
sa nga residente ng district 1 at 2) o sa 0919-896-2570 (para
sa residente ng district 3) at sa 0927-914-2295 (para sa mga residente
ng district 4). Magmadali…ipalista na ang inyong mga anak
para makasali sa mga libreng sports clinics!!! # (PSGDO-Laguna)