Sampung silid-aralan ang pinasinayaan noong nakaraang linggo na pinangunahan ni Gob. Teresita “Ningning” S. Lazaro sa iba’t ibang bahagi ng lalawigan ng Laguna kasama ang ilang mga pinunong lokal. Ang 3-palapag na gusaling pampaaralan na may anim (6) na silid-aralan sa Linga Elementary School sa Brgy. Linga, Pila, Laguna ay seremonyal na pinasinayaan at binasbasan. Gayundin ang apat (4) na silid-aralan sa Mabitac National High School sa Mabitac, Laguna.

     Bukod sa mga gusaling pampaaralan ay mayroon ding mga covered court at school stage na pinapasinayaan bawat lingo sa mga kanayunan ng lalawigan bilang bahagi ng programang SULONG EDUKASYON AT ISPORTS ng Pamahalaang Panlalawigan sa ilalim ng 7-Point Agenda ni Gob. Lazaro. # (PIO-Laguna)